Davlat Ramzlari

O'zbekiston Respublikasining Davlat Bayrog'i

Oʻzbekiston Respublikasining Davlat bayrogʻi 1991-yil 18-noyabrda qabul qilingan. U mamlakat mustaqilligi, tarixiy anʼanalari va kelajakka bo‘lgan ishonchini ifodalaydi. Bayroq uch xil rangdan iborat:

• Ko‘k rang – musaffo osmon, tinchlik va tarixiy buyuklik timsoli (Amir Temur davrini eslatadi),

• Oq rang – poklik, adolat, halollik va ezgu niyatlar ramzi,

• Yashil rang – tabiat, hayot, yuksalish va taraqqiyot belgisi.

O'zbekiston Respublikasining Davlat Gerbi

Oʻzbekiston gerbi 1992-yil 2-iyulda qabul qilingan bo‘lib, u mamlakatning suvereniteti, milliy oʻzligini va tarixiy merosini ifodalaydi. Gerb yumaloq shaklda boʻlib, markazida quyosh nurlari va qanotlarini yozgan Humo qushi tasvirlangan. Humo – ozodlik, baxt va kelajakka intilishni bildiradi.Chap tomonda bugʻdoy boshoqlari, o‘ngda esa paxta tizmalari mavjud bo‘lib, ular xalq farovonligi va iqtisodiy taraqqiyotni anglatadi. Yuqorisida joylashgan sakkiz qirrali yulduz va uning markazidagi yarim oy hamda yulduz islomiy merosga hurmat timsolidir. Pastki qismida “Oʻzbekiston” yozuvi joylashgan.
Gerb rang-barang bo‘lib, undagi yashil, oq, ko‘k va oltin ranglar tabiat, poklik, tinchlik va boylikni ifodalaydi.

O'zbekiston Respublikasining Davlat Madhiyasi

O‘zbekiston Respublikasi Davlat madhiyasining matni va musiqasi O'zbekiston Respublikasining 1992 yil 10 dekabrdagi 768-XII-sonli «O'zbekiston Respublikasining Davlat madhiyasi to'g'risida»gi Qonuni bilan tasdiqlangan.